पिंपळगाव – स्वातंत्र्य दिनाच्या ७९ व्या वर्धापन दिनानिमित्त पिंपळगाव गावात मोठ्या उत्साहात १५ ऑगस्ट साजरा करण्यात आला. गावातील शासकीय इमारती, शाळा व महत्त्वाची ठिकाणे तिरंग्याच्या रंगांनी सजविण्यात आली होती. विशेषतः ग्रामपंचायत कार्यालय आकर्षणाचा केंद्रबिंदू ठरले. इमारतीवर केशरी, पांढरा आणि हिरव्या रंगातील रोषणाई करून त्रिरंगी झळाळी देण्यात आली होती. संध्याकाळी लागलेली ही लाईटिंग दूरवरूनही लक्ष वेधून घेत होती. या कार्यक्रमास सरपंच, ग्रामपंचायत सदस्य, ग्रामस्थ तसेच शाळकरी मुलांचा मोठा सहभाग होता. गावात देशभक्तीचा उत्साह पाहून सर्वत्र ‘वंदे मातरम्’ आणि ‘भारत माता की जय’च्या घोषणा दुमदुमल्या.