देवळा, 13 सप्टेंबर २०२५ रोजी तहसील कार्यालय, देवळा येथे आयोजित कार्यक्रमात मा. आमदार डॉ. राहुल आहेर यांच्या हस्ते पिंपळगाव ग्रामपंचायतीला प्रशस्तिपत्र व सन्मानचिन्ह प्रदान करण्यात आले. या वेळी तहसीलदार मा. प्रशांत पवार, सरपंच, उपसरपंच व ग्रामपंचायत अधिकारी उपस्थित होते. ग्रामपंचायत पिंपळगावने घरकुल योजनेत केलेल्या उल्लेखनीय कामगिरीमुळे हा सन्मान मिळाला. गावकऱ्यांमध्ये आनंदाचे वातावरण असून हा पुरस्कार पिंपळगावच्या प्रगतीचे प्रतीक असल्याचे ग्रामस्थांनी नमूद केले.